Lavar e separar as endivias.

Ferver as lentellas caviar con abundante auga e sal. Retirar do lume unha vez listas e tenras, coalas e pasalas pola billa con auga fría, para cortar a cocción.

Torrar as noces nun forno a 160-180 graos por 10 minutos, ata que estean levemente bronceadas. Unha vez frías poñeranse crocantes.

Cortar a mazá en finas láminas e a chalota en rodiñas. Reservar.

Para facer a vinagreta mesturar os ingredientes indicados cun pequeno batedor ou garfo ata que estean emulsionados.

Para servir, recomendamos mesturar nun cunco, as lentellas, a chalota, a mazá, as noces pecan e o gorgonzola tallado xunto coa vinagreta.

Colocar as follas de endivias no bordo do prato e no centro, a anterior mestura.