LIBRO INFANTIL RAFA NADAL

Rafa Nadal naceu en 1986 en Manacor, unha localidade de Mallorca, no seo dunha familia apaixonada polo deporte. Dende moi novo, salientou polo seu talento no tenis e converteuse en profesional aos quince anos. Aos dezanove xa ocupaba o segundo lugar no ránking mundial da Asociación de Tenistas Profesionais (ATP) e, aos vinte e dous, acadou o cobizado posto do número un do mundo.

Ao longo da súa brillante carreira, Nadal conseguiu vinte e dous títulos de Grand Slam, e salientou especialmente en Roland Garros, no que triunfou en catorce ocasións. Tamén gañou dous títulos en Wimbledon, dous no Open de Australia e catro no US Open, polo que se consolidou como unha lenda do tenis.

A súa confianza, capacidade de sacrificio e o seu espírito de loita, sen renderse nunca en ningún punto, son algúns dos piares do seu éxito. Considerado un dos mellores tenistas da historia, Nadal é un modelo de perseveranza e excelencia deportiva.

Pequeño & Grande é unha colección de biografías ilustradas que invita a coñecer a vida de persoas extraordinarias. Dende artistas e deseñadores ata científicos e activistas, cada libro da serie narra como lograron converter un pequeno soño nunha grande historia.