LIBRO INFANTIL CHARLES DICKENS

Dende neno, Charles Dickens mostrou unha imaxinación desbordante ao inventar as súas propias aventuras. Non obstante, a súa vida deu un xiro drástico cando o seu pai foi encarcerado por débedas. Aos doce anos, tivo que abandonar a escola para traballar nunha fábrica, unha experiencia que marcaría profundamente a súa obra. Antes de converterse nun xornalista e escritor de prestixio, traballou como empregado nun bufete de avogados e aventurouse brevemente no mundo da actuación.

Consciente do impacto dunha boa historia, Dickens utilizou as súas novelas para denunciar as inxustizas e os abusos sociais da súa época, dando voz á rapazada e ás clases máis desfavorecidas. Obras como "Grandes Esperanzas", "Oliver Twist" e "Canción de Nadal" son reflexo do seu compromiso social e seguen a conmover millóns de lectores en todo o mundo pola súa sensibilidade e humanidade.

Pequeño & Grande é unha colección de biografías ilustradas que invita a coñecer a vida de persoas extraordinarias. Dende artistas e deseñadores ata científicos e activistas, cada libro da serie narra como lograron converter un pequeno soño nunha grande historia.